ქუდი





პოეზია

ქუდი




მთარგმნელი: ანკა კალანდაძე

პირველად იყო ქუდი
ჩვეულებრივი ჯადოსნური ცილინდრი
საიდანაც ღმერთმა
თავისდაგასაკვირად
თავისი თავი ამოაძვრინა

შემდეგ
ექვსი დღის განმავლობაში
იღებდა ცას, მიწას
და საკუთარი არსეობის
ხუთ მტკიცებულებას

პლანეტები
ჯადოსნური ქუდიდან
ტენისის ბურთებივით ხტებოდნენ
და ღვთაებრივი თითებით
ღმერთიც მარჯვედ ატრიალებდათ

პლანეტები მრავლდებოდნენ
საგანგაშო სისწრაფით
და ისიც ცდილობდა
არცერთი არ გასხლტომოდა
პლანეტარიუმის მთელი ამ ორომტრიალიდან

მაყურებელთა დარბაზში
კი უკვე ისხდნენ
ადამ და ევა
და ერთი წამით
არ სჯეროდათ
რასაც ხედავდნენ
 



თანამედროვე ფილოსოფია, ლიტერატურა, ესეისტიკა, სიურრეალისტური გლემი, ჰორორი,პორნოგრაფიული ზღაპრები, პოლიტიკური პროვოკაციები, ძლიერთა ამა ქვეყნისათა შეურაცხყოფა... ასევე კიბერ-კულტურა, ქართული გლ(ი)ამური, ურბანული ფოლკლორი, მედია-კრიტიკა, შავი იუმორი, შოკი და ა.შ.